-
-
-
-
तनहुँ । मर्स्याङ्दी नदीमा बस खस्दा १४ जनाको मृत्यु भएको पुष्टि भएको छ । घटनास्थलबाट उद्धार गरी आँबुखैरेनी अस्पतालमा लगिएका ३० घाइतेमध्ये १४ जनाको मृत्यु भएकाे घोषणा गरिएकाे इलाका प्रहरी कार्यालय आँबु खैरेनीका प्रहरी निरीक्षक शिव थापाले जानकारी दिए ।
बसमा ४० जना यात्रु रहेकोमा १० जना अझै बेपत्ता रहेको र उनीहरुको गोताखोरको टोलीद्वारा खोजी भइरहेको प्रहरी निरीक्षक थापाले बताए ।
पोखराबाट काठमाडौँ जाँदै गरेको भारतीय नम्बर प्लेटको युपी ५३ एफटी ७६२३ नम्बरको बस बिहान करिब ११:३० बजे ऐनापहरास्थित पृथ्वीराजमार्गबाट मर्स्याङ्दी नदीमा खसेको थियो ।
बस पृथ्वीराजमार्गबाट करिब १ सय ५० मिटर तल नदीमा खसेको उनले बताए ।
