केएमसी र नोबेलको टोली सप्तरीको तिलाठी कोइलाडीमा, नौ सय बिरामीको उपचार

हाम्रा कुरा

प्रकाशित २०८१ असोज ८ मंगलबार

काठमाडौँ । नेपाली कांग्रेसका सांसद डा. सुनीलकुमार शर्माको काठमाडौँ मेडिकल कलेज पब्लिक लिमिटेड (केएमसी) र नोबेल मेडिकल कलेजेको संयुक्त स्वास्थ्य टोलीले सप्तरीको तिलाठी कोइलाडीमा निःशुल्क स्वास्थ्य शिविरको आयोजना गरेको छ ।

उक्त शिविरमा नौ सय तीन बिरामीको निःशुल्क उपचार गरिएको केएमसीका प्रबन्धक एवं प्रमुख प्रशासकीय अधिकृत नारायणप्रसाद दाहालले जानकारी दिए ।

बिरामीमध्ये १७३ जनाको भिडियो एक्सरे, ८३ जनाको ईसीजी, २३ जनाको ईको तथा ८१ जनाको ल्याब परीक्षण गरिएको थियो ।

त्यस्तै ६० जनालाई शल्यक्रियाका लागि रेफर गरिएको छ ।

डा. शर्माले सम्हालेपछि केएमसी र नोबेलले सेवा सुविधा थपेको छ भने सामाजिक उत्तरदायित्व अन्तर्गत देशका विभिन्न भागमा पुगेर निरन्तर निःशुल्क स्वास्थ्य शिविर गर्दै आएको छ ।