-
-
-
-
कालीकोट । कर्णाली राजमार्गको सुर्खेत-जुम्ला सडक खण्डअन्तर्गत कालीकोटको तिलागुफा नगरपालिका-५ खल्लागाडमा मालवाहक ट्रक दुर्घटना हुँदा चालकको मृत्यु भएको हो ।
आज जुम्लाबाट सुर्खेत जाँदै गरेको लु१क ३९३० नम्बरको ट्रक खल्लागाड पुल नजिकैको मोडमा अनियन्त्रित भई दुर्घटना भएको कालीकोटका प्रहरी प्रमुख टेकबहादुर रावतले बताए ।
ट्रक सडकबाट करिब ५० मिटर तल खोलामा खसेको छ ।
चालकको घटनास्थलमै मृत्यु हाे । मृतक चालक रुपन्देहीको बुटवल-१३, का हुमबहादुर खड्का रहेको प्रहरीले जनाएको छ ।
