उपत्यकासहित बागमती र कोशीका केही स्थानमा हल्का वर्षा, मंगलबारदेखि मौसममा सुधार

हाम्रा कुरा

प्रकाशित २०८१ कार्तिक १८ आइतबार

काठमाडौँ । बागमती प्रदेश र कोशी प्रदेशको केही पहाडी भू–भागमा आज हल्का वर्षा भएको छ । काठमाडौँ उपत्यकासहितका केही स्थानमा हल्का वर्षा भएको हो ।

मौसम पूर्वानुमान महाशाखाका अनुसार काठमाडौँमा आइतबार ६.१ मिलिमिटर वर्षा भएको छ । योसँगै काठामडौँमा चिसो पनि बढेको छ । मौसममा सुधार आउन केही दिन लाग्नेछ ।

वरिष्ठ मौसमविद् शान्ति कँडेलका अनुसार सोमबार विशेष गरी बागमती, कोशी र गण्डकी प्रदेशका पहाडी भू–भागका केही स्थान, बाँकी पहाडी भू–भागको थोरै स्थान तथा तराईका एक दुई स्थानमा हल्का वर्षाको सम्भावना रहेको छ ।

हल्का वर्षा हुने भएकाले यसबाट खासै प्रभाव नपर्ने वरिष्ठ मौसमविद् कँडेलले उल्लेख गरिन् । उनले मङ्गलबारदेखि क्रमिक रुपमा मौसममा सुधार हुँदै जाने उनले जानकारी दिइन् ।