विश्वकपमा छानिएको यू–१९ महिला टिमलाई एनपीएलका आठ फ्रेन्चाइजीले १० लाख दिने

हाम्रा कुरा

प्रकाशित २०८१ कार्तिक ३० शुक्रबार

काठमाडौँ । विश्वकपमा छनोट भएको नेपाली यू-१९ महिला क्रिकेट टिमलाई नेपाल प्रिमियर लिग (एनपीएल) का आठ फ्रेन्चाइजीले १० लाख नगद पुरस्कार दिने भएका छन् ।

आठ फ्रेन्चाइजीले शुक्रबार नेपाली यू–१९ महिला टिमलाई १० लाख पुरस्कार दिने घोषणा गरेका हुन् । नेपाली महिला यू–१९ टिमले यूएईलाई पराजित गर्दै पहिलो पटक विश्वकपमा छनोट भएर इतिहास बनाएको थियो ।

आगामी मङ्सिर १५ देखि शुरु हुने एनपीएलमा विराटनगर किंग्स, जनकपुर बोल्ट्स, काठमाडौँ गोर्खाज, चितवन राइनोज, पोखरा एभेन्जर्स, लुम्बिनी लाइन्स, कर्णाली याक्स र सुदूरपश्चिम रोयल्सगरी आठ फ्रेन्चाइजीले भाग लिँदै छन् ।