हिउँदे अधिवेशनको तयारी तीव्र, आज कार्यव्यवस्था परामर्श समितिको बैठक
हाम्रा कुरा
प्रकाशित २०८१ माघ १५ मंगलबार
2.2k
Shares
तस्बिर – फाइल ।
काठमाडौँ । हिउँदे अधिवेशनका लागि तयारी तीव्र पारिएको छ । माघ १८ गतेदेखि शुरू हुने हिउँदे अधिवेशनका लागि सभामुख देवराज घिमिरेले सक्रियता बढाएका छन् ।
जसअनुसार सभामुख घिमिरेले आज दिउँसो १ बजे कार्यव्यवस्था परामर्श समितिको बैठक सिंहदरवारमा तय गरिएको छ । साथै विधेयक रहेका संसदीय समितिका सभापतिसँग पनि सभामुख घिमिरेले अलग अलग संवाद गरिरहेको उनका प्रेस संयोजक शेखर अधिकारीले जानकारी दिए ।
हिजो प्रमुख पाँच दलका मुख्य सचेतक र प्रमुख सचेतकसँग सिंहदरवारमा छलफल गरिएको थियो । सोअघि सत्तापक्षका मुख्य सचेतक, प्रमुख सचेतकसँग छलफल गरेका सभामुख घिमिरेले त्यसपछि दिउँसो २ बजे प्रमुख प्रतिपक्ष तथा प्रतिपक्षी दलका प्रमुख सचेतकसँग छलफल गरेका थिए ।
हिउँदे अधिवेशनको पहिलो बैठकमा प्रधानमन्त्रीसँगै दलहरुका शीर्ष नेताहरुले सम्बोधन गर्ने कार्यक्रम छ ।
