काठमाडौँ । केन्याका राष्ट्रपति विलियम रुटोले शुक्रवार २०२२ देखि २०२५ सम्म देशभरबाट जफत गरिएका ६ हजार अवैध हतियार नष्ट गरिएको घोषणा गरेका छन्। उनले अपराध विरुद्ध लड्ने प्रयासलाई तीव्रता दिने प्रतिबद्धता पनि जनाएका छन्।
केन्याको राजधानी नैरोबीको बाहिरी इलाकामा रहेको प्रहरी प्रतिष्ठानमा ती हतियारहरू जलाइएको थियो। राष्ट्रपति रुटोले यस कार्यलाई आतङ्कवाद, मानव बेचबिखन र शिकार लगायतका उदाउँदो सुरक्षा खतराहरूलाई सम्बोधन गर्ने प्रमुख कोसेढुङ्गाका रूपमा व्याख्या गरेका छन्।
नष्ट गरिएका अधिकांश हतियारहरू सरकारी आममाफी कार्यक्रम अन्तर्गत नागरिकहरूले स्वेच्छाले आत्मसमर्पण गरेका थिए।
