देशभर बदली, पहाडी भूभाग र तराईमा मध्यम वर्षाको सम्भावना
हाम्रा कुरा
प्रकाशित २०८२ भदौ १९ बिहिबार
708
Shares
काठमाडौं। जल तथा मौसम पूर्वानुमान महाशाखाले दिएको जानकारीअनुसार, हाल मनसुनको न्यून चापीय रेखा सरदर स्थानभन्दा दक्षिणतिर रहेकोले आज (बिहीबार) देशभरको मौसम साधारणतया बदली रहनेछ।
महाशाखाका अनुसार, बागमती, गण्डकी र लुम्बिनी प्रदेशका पहाडी भूभागका केही स्थानमा र तराईका केही स्थानमा मध्यम वर्षाको सम्भावना छ। साथै, मधेश प्रदेशका थोरै र लुम्बिनी प्रदेशको तराई क्षेत्रका केही स्थानमा हावाहुरीको पनि सम्भावना रहेको छ।
महाशाखाले वर्षाका कारण नदी र खोलाहरूमा पानीको सतह बढ्न सक्ने तथा यातायातमा अवरोध आउन सक्ने भएकाले सतर्क रहन र पूर्वतयारी गर्न सबैलाई आग्रह गरेको छ।
