काठमाडौँ । कीर्तिपुरस्थित त्रिवि क्रिकेट मैदानको काम अहिले धमाधम भइरहेको छ । यही मंसिरमा हुने नेपाल प्रियिमर लिग एनपीएल भन्दाअघि नै रंगशाला निर्माण सम्पन्न गर्ने गरी काम भइरहेको हो ।
रंगशालामा पारापिट निर्माणको भौतिक प्रगति ९५ प्रतिशत रहेको छ भने फ्लडलाइटको ६ वटै पोल उठाइसकिएको छ । लाइट जडानको काम धमाधम हुँदैछ।
रंगशालामा ४५ मिटर तथा ६० मिटर अग्ला ६ वटा ३०–३० टनका हाइमास्ट लाइट जडान भइरहेका छन् । अब हुने एनपीएलको दोस्रो संस्करण खेल यही मंसिर १ गतेबाट सुरु हुँदैछ। यसमा उपाधिका लागि ८ टोलीले प्रतिस्पर्धा गर्दैछन्।
यसपालिको खेल तालिका पनि सार्वजनिक भएको छ भने तालिका अनुसार एनपीएलको खेल त्रिवि क्रिकेट रंगशालामा फ्लडलाइटमा पनि खेलिने भएको छ।
तालिकाअनुसार एनपीएलको लिग चरणका १९ खेलहरू फ्लडलाइटमा खेलिनेछन् र प्लेअफका ३ तथा फाइनल खेल फ्लडलाइटमा हुनेछ ।
अपरान्ह ४ बजेदेखि शुरू हुने खेलहरू फ्लडलाइटमा खेलाइने छन् ।
