तस्बिर – नेपाल फोटो लाइब्रेरी र नेपाल न्यूज बैंक ।
काठमाडौँ । काठमाडौँको कालीमाटी फलफूल तथा तरकारी बजारमा यतिबेला सुन्तलाको व्यापार सबैभन्दा बढी छ । सुन्तलाको सिजन सुरु भएसँगै देशका विभिन्न जिल्ला गोरखा, तनहुँ, धादिङबाट ल्याइएका सुन्तला यतिबेला कालिमाटीमा बिक्री वितरण भइरहेको छ ।
कालिमाटीमा सुन्तला ग्रेडिङ अनुसार प्रति ढक (५ केजी) को २ सय ५० रुपैयाँदेखि ४ सय र ५५० रुपैयाँसम्म बिक्री भइरहेको व्यापारी लक्ष्मी खनालले जानकारी दिइन् ।
यतिबेला सुन्तला गोरखा, तनहुँ, धादिङ विभिन्न जिल्लाबाट आएको र स्वाद र आकार अनुसार मूल्य निर्धारण गरी बिक्री वितरण भइरहेको उनले बताइन् ।
त्यस्तै ललितपुरको लगनखेलस्थित बसपार्क क्षेत्रमा व्यवसायी र सर्वसाधरणहरु मौसमी फलफुल किन्न र बेच्न व्यस्त देखिन्छन् ।
टोकरी, डालो, साइकल, क्यारेटहरुमा मौसमी फलफुल सुन्तला, अनार, केरा, मौसम, जुनार, स्याउ लगायतका फलफुल किनबेचको चटारो हुने गरेको छ ।
