विवाह समारोहमा ग्यास विष्फोट हुँदा नवविवाहित दम्पत्तिसहित आठको मृत्यु, ११ जना घाइते
हाम्रा कुरा
प्रकाशित २०८२ पुष २८ सोमबार
2k
Shares
काठमाडौँ। पाकिस्तानको राजधानी इस्लामावादमा एक विवाह समारोह भइरहेको घरमा भएको ग्यास विष्फोटमा परी नवविवाहित दम्पत्तिसहित मृत्यु हुनेको संख्या आठ पुगेको छ ।
स्थानीय अधिकारीहरूकाअनुसार आइतबार भएको उक्त घटनामा अन्य ११ जना घाइते भएका छन् ।
इस्लामावादका डेपुटी कमिश्नर इरफान नवाज मेमनले स्थानीय समय अनुसार राति करिब २ बजे एक आवासीय भवनमा विवाह उत्सव चलिरहेका बेला विष्फोट भएको जानकारी दिए।
विष्फोटका कारण आसपासका संरचनाहरूमा समेत क्षति पुगेको छ । हालसम्म भग्नावशेषमा फसेका १९ जनाको उद्धार गरिएको छ ।
घाइतेहरूलाई उपचारका लागि नजिकैको अस्पतालमा भर्ना गरिएको छ ।
उद्धार टोलीका अनुसार विष्फोटबाट वरपरका कम्तीमा चार ओटा घर प्रभावित भएका छन् ।
विष्फोटको वास्तविक कारण पत्ता लगाउन विस्तृत अनुसन्धान भइरहेको अधिकारीहरूले बताएका छन्।
