पहाडी र हिमाली भेगमा मेघगर्जनसहित वर्षा र हिमपातको सम्भावना
हाम्रा कुरा
प्रकाशित २०८२ चैत १२ बिहिबार
712
Shares
काठमाडौँ । हाल देशमा पश्चिमी वायुका साथै स्थानीय वायुको आंशिक प्रभाव रहेकाले कोशी प्रदेश लगायत देशका पहाडी र हिमाली भू-भागमा सामान्य बदली भएको छ। जल तथा मौसम विज्ञान महाशाखाका अनुसार आज दिउँसो पहाडी तथा हिमाली क्षेत्रमा बादल लाग्ने र बाँकी स्थानमा मौसम सामान्यतया सफा रहने छ।
पहाडी र हिमाली भेगका केही स्थानमा आज मेघगर्जन र चट्याङसहित हल्का वर्षा वा हिमपातको सम्भावना रहेको छ। महाशाखाले वर्षा र चट्याङका कारण हुन सक्ने जोखिमबाट बच्न सर्वसाधारणलाई सतर्कता अपनाउन अनुरोध गरेको छ।
त्यसैगरी, आज राति पनि कोशी, बागमती, गण्डकी र कर्णाली प्रदेशका पहाडी तथा हिमाली भू-भागमा साधारणतया बदली रहने छ। तराईका क्षेत्रमा भने आंशिक बादल लाग्ने सम्भावना छ। रातिको समयमा पनि पहाडी भेगका केही स्थानमा मेघगर्जनसहित हल्का वर्षा र उच्च हिमाली क्षेत्रमा हिमपात हुन सक्ने मौसमविद्हरूले बताए।
