काठमाडौँ । जेन-जी आन्दोलनपछि अहिले देशले युवा नेतृत्व पाएको छ । प्रधानमन्त्री वालेन्द्र साह बालेनको नेतृत्वमा १५ जना मन्त्रीहरूले मन्त्रालयहरू सम्हालिरहेको अवस्थामा अहिले मन्त्रालयहरूमा पहिलेको जस्तो चहलपहल भने देखिएको छैन ।
विभिन्न समयमा नेपाली कांग्रेस, नेकपा एमाले, नेपाली कम्युनिस्ट पार्टीलगायत विभिन्न पार्टीले सरकारको नेतृत्व गर्दा र मन्त्रीहरूको नियुक्ति गर्दा सिंहदरबारमा बधाई र शुभकामना दिनेहरुको भीड नै लाग्ने गर्दथ्यो । अहिले भने अवस्था त्यस्तो देखिएको छैन ।
मन्त्रीहरूले मन्त्रालय सम्हालेको दिनबाटै हप्ता दिनसम्म बधाई र शुभकामना दिनेहरूको भीड लाग्ने मन्त्रालयहरू अहिले सुनसान जस्तै देखिएका छन् ।
पार्टीका कार्यकर्ता, नेता र आफन्तहरूको भीड लाग्ने सिंहदरबारमा सामान्य भेटघाट भन्दा पनि काम विशेषमा आउनेहरू देखिएका छन् ।
युवा नेतृत्वमा गठित अहिलेको सरकारले काम गर्न आएको र जस्तै परिस्थितिमा पनि नतिजा निकाल्ने गरी काम गर्ने प्रतिबद्धतासमेत जाहेर गरेका छन्
