अमिताभलाई दिइयो अक्सिजनको सिलिन्डर, घर बाहिर प्रदर्शन
हाम्रा कुरा
प्रकाशित २०७६ असोज ३ शुक्रबार
513
Shares
तस्बिर : फाइल
काठमाडौं । बलिउडका महानायक अमिताभ बच्चनलाई अक्सिजनको सिलिन्डर दिइएको छ। उनको घरको प्रतीक्षालय बाहिर वातावरणीय विदहरूले प्रदर्शन गर्दै अक्सिजनको सिलिन्डर दिएका हुन् ।
अमिताभ बच्चनले हालै मेट्रो रेलको समर्थनमा ट्वीट गरेका थिए, त्यसबेलादेखि सामाजिक संस्थासँग सम्बन्धित मानिसहरूले उनको विरोध गरिरहेका छन्। मुम्बईमा मेट्रो रेलको नयाँ परियोजनाको कारण ठूलो संख्यामा रूखहरू काटिदैछ ।
भारतीय सञ्चारमाध्यमका अनुसार बिहीबार अमिताभ बच्चनको बंगला प्रतिक्षामा पुगेका विद्यार्थी, भारतीय सामाजिक संस्था र वाचडग फाउण्डेशनका सदस्यहरूले प्रदर्शन गरेका हुन् । प्रदर्शनको नेतृत्व गरिरहेका निकोलस अल्मेडाले उनीहरू शान्तिपूर्वक प्रदर्शन गर्न आएको र अमिताभ बच्चनलाई अक्सिजनको सिलिन्डर र बोटबिरुवा दिएको बताए ।
प्रदर्शनकारीले जंगल क्षेत्रबाट मेट्रो विस्तारका लागि कञ्जुरमार्गमा ३ स्थान बदल्न माग गरेका छन् । कार्यकर्ताहरूका अनुसार यसले रूखहरू काट्नबाट बचाउन सकिन्छ। तर मेट्रो रेल कर्पोरेशन मार्ग परिवर्तन गर्न तयार छैन। यस्तो अवस्थामा अमिताभ बच्चनको ट्वीटले वातावरणीय विदहरूलाई बौलाहा बनाएको छ ।
अमिताभ बच्चनले आफ्नो ट्वीटमा लेखेका थिए, 'मेडिकल इमरजेन्सीको क्रममा मेरो साथीलाई कार भन्दा मेट्रोबाट कम समयमा र सजिल्यै अस्पतालमा पुर्याउन सकियो ।प्रदूषणको समाधान भनेको धेरै रूख रोप्नु हो। मैले मेरो बगैंचामा बिरूवा रोपेको छु र तपाईंले।'
अमिताभको यो ट्वीट वातावरणीय विदहरूलाई ठीक लागेको छैन।
