स्रोत नखुलेको ३७ लाखसहित एक जना पक्राउ

प्रकाशित २०७७ पुष २७ सोमबार

काठमाडौं । प्रहरीले चितवनबाट काठमाडौं आउँदै गरेका एक व्यक्तिबाट स्रोत नखुलेको ३७ लाख नेपाली रुपैयाँ बरामद गरेको छ ।

प्रहरीले सोमबार विहान काठमाडौंको नागढुंगाबाट स्रोत नखुलेको नगद ३७ लाख रुपैयाँसहित चितवन माडीका २६ वर्षीय रामकुमार गुरुङलाई पक्राउ गरेको हो । उनी बा ३ ख ९१३९ नम्बरको माइक्रोबसबाट काठमाडौं आउँदै थिए ।

महानगरीय प्रहरी बृत्त थानकोटका अनुसार उनको साथबाट सात लाख ११ हजार रुपैयाँको ग्लोबल आईएमई बैंकको एकथान चेक र हस्ताक्षर भएको तर नगद उल्लेख नगरिएको अर्को चेक समेत बरामद भएको छ ।