घरमै मृत भेटिइन् माया, श्रीमान पक्राउ

रबिन्द्र गौतम,

प्रकाशित २०७७ माघ ५ सोमबार

हेटौंडा । मकवानपुरमा एक महिला आफ्नै घरमा मृत अवस्थामा फेला परेकी छिन् । मकवानपुरगढी वडा नम्बर २ खोलेखेतमा ४६ बर्षिया श्रीमाया गोले मृत भेटिएकी हुन् ।

उनी मृत भेटिएपछि श्रीमानद्धारा श्रीमतीको हत्या गरेको आशंकामा प्रहरीले देवराज गोलेलाई पक्राउ गरेको छ । गोलेलाई थप अनुसन्धानको लागि प्रहरीले पक्राउ गरी जिल्ला प्रहरी कार्यालय मकवानपुर लगेको छ ।

महिलालाई गोलेले कुट्पिट् गरी भर्याङबाट खसालेर हत्या गरेको आरोप स्थानियको छ । गोलेले आइतबार साँझ खाना खाएपछिको सुत्ने समयको बेलामा हत्या गरेको हुन सक्ने स्थानीय राजाबिर मोक्तानको भनाइ छ ।