-
-
-
-
झापा । झापाको कमल गाउँपालिका वडा न ४ मा मोटरसाइकलले ठक्कर दिँदा एक जना बालकको मृत्यु भएको छ । शनिबार अपराह्न कमल गाउँपालिकाको सितापुरी भन्ने स्थानमा प्र–१–०१–०१२ प १६०२ नम्बरको मोटरसाइकलले पैदल यात्री सोही गाउँपालिका ५ बस्ने ७ वर्षीय निश्चल खड्कालाई ठक्कर दिएको थियो ।
मोटरसाइकलको ठक्करबाट गम्भीर घाइते भएका खड्कालाई उपचारका लागि दमकस्थित लाइफलाइन अस्पताल लगिएको थियो ।
अस्पताल पुर्याउने बित्तिकै चिकित्सकले उनलाई मृत घोषित गरेको ट्राफिक प्रहरी कार्यालय दमकले जानकारी दिएको छ।
घटना पश्चात् ठक्कर दिने सवारी र चालकलाई ईलाका प्रहरी कार्यालय दमकले नियन्त्रणमा लिएको जनाइएको छ ।
