-
-
-
-
काठमाडौं । १६ औं संस्करणको युरोकप फुटबल (युरो–२०२०) मा विजयी शुरूआत गरेको छ । शनिबार राति भएको खेलमा रुसलाई ३–० गोल अन्तरले पराजित गर्दै बेल्जियमले उत्कृष्ट शुरूआत गरेको हो ।
सेन्ट पिटर्सवर्गमा भएको खेलमा बेल्जियमलाई जित दिलाउन रोमेलु लुकाकु चम्किएका थिए । उनले दुई गोल गरे । यस्तै थोमस मुनिएरले एक गोल गरे ।
एकतर्फी खेल खेलेको बेल्जियमका लागि दशौँ मिनेटमा लुकाकुले गोल गरे । ३४ औं मिनेटमा थोमसले गोल गर्दै बेल्जियमलाई २– को अग्रता दिलाए । ८८ औं मिनेटमा लुकाकुले व्यक्तिगत दोस्रो गोल गर्दै बेल्जियमलाई ३–० ले जिताए ।
जितसँगै बेल्जियमले युरोकपमा उत्कृष्ट शुरूआत गरेको छ । समूह बी मा बेल्जियम शीर्ष स्थानमा रहेको छ । बेल्जियमले उपाधि दावेदारीसमेत दिएको छ ।
समूहको अर्को खेलमा शनिबार राति नै फिनल्याण्डले डेनमार्कलाई १–० गोल अन्तरले हराएर दोस्रो स्थान ओगटेको छ । अंकविहीन डेकमार्क तेस्रो तथा हारसँगै रुस पुछारमा रहेको छ ।
