-
-
-
-
नवलपरासी। प्रतापपुर गाउँपालिका वडा नं ४ दरखासेमा नेपाल प्रहरीले भारतबाट अवैध रूपमा ल्याउँदै गरेको खसीहरू बरामद गरेको छ ।
बिहीबार दिउँसो डेढ बजेको समयमा भारतबाट नेपाल तर्फ अवैध रूपमा ल्याउँदै गरेको ४६ वटा खसीलाई सीमा प्रहरी चौकी महेशपुरबाट खटिएको प्रहरी टोलीले बरामद गरेको हो ।
उक्त खसी मानिसले पैदल डोरीमा बाँधी डोर्याउँदै ल्याउने क्रममा प्रहरी टोलीलाई देखी सोही खसी छाडी मानिस भागेको प्रहरीले जनाएको छ ।
बरामद गरिएका खसीहरूलाई आवश्यक कार्यवाहीको लागि महेशपुर भन्सार कार्यालय पठाइएको जिल्ला प्रहरी कार्यालय नवलपरासी पश्चिमका सूचना अधिकारी राजु लामाले जानकारी दिए ।
