नेदरल्यान्ड्स शतप्रतिशत नतिजासहित युरोकपको राउन्ड अफ सिक्सटिनमा

हाम्रा कुरा

प्रकाशित २०७८ असार ८ मंगलबार

काठमाडौं । नेदरल्यान्ड्स शतप्रतिशत नतिजासहित १६ औं संस्करणको युरोकप फुटबलको नकआउट चरणमा प्रवेश गरेको छ । सोमबार राति भएको समूह चरणको अन्तिम खेलमा उत्तरी म्यासेडोनियालाई ३–० गोल अन्तरले पराजित गर्दै नेदरल्यान्ड्स समूह विजेता बन्दै अन्तिम १६ मा पुगेको हो ।

जोहान क्रुफ एरिनामा नेदरल्यान्ड्सलाई जित दिलाउन कप्तान जर्जिनियो विनाल्डमले दुई गोल गरे । यस्तै मेम्फिस डिपेले एक गोल थपे ।

नेदरल्यान्ड्सले पहिलो खेलमा युक्रेनलाई ३–२ ले तथा दोस्रो खेलमा अष्ट्रियालाई २–० गोल अन्तरले हराएको थियो । पराजित उत्तरी म्यासेडोनिया अंकविहीन हुँदै पुछारमा रहेर समूह चरणबाटै बाहिरिएको छ ।