-
-
-
-
डोटी ।डोटीमा भिरबाट लडेर एक जनाका मृत्यु भएको छ। जिल्लाको बडिकेदार गाउँपालिका -१ बस्ने १८ वर्षीय दीपक बहादुर विकको बिहीबार साढे पाँच बजे भिरबाट लडेर मृत्यु भएको हो ।
जिल्ला प्रहरी कार्यालय डोटीका प्रहरी उपरीक्षक दान बहादुर मल्लका अनुसार ,'बिक असार ४ गते जोरायल गाउँपालिका - १ झुरकाणा स्थित दिदीको घर गएका थिए। राशन ल्याउँछु भनी स्थानीय बजार गोगन पानी गएकोमा घर फर्कने क्रममा घण्टेश्वर सामुदायिक वनको खाली भीर बाट लडी उनको घटनास्थल मै मृत्यु भएको जानकारी प्राप्त भएको छ।'
थप अनुसन्धानका लागि घटना स्थलमा जिल्ला प्रहरी कार्यालय डोटीबाट प्रहरी निरीक्षक कान्तिराज जोशीको नेतृत्वको टोली पुगिसकेको प्रहरी उपरीक्षक मल्लले जानकारी दिए ।
