-
-
-
-
डोटी । डोटीको वडिकेदार गाउँपालिका-१ रिसेडीमा सोमबार राती बा२क८५२१ नम्बरको डोजर (जेसिबी)मा आगजनी भएको छ ।
जिल्लाको रिसेडीस्थित देउली रिसेडी सडकको काम गर्ने मिलन कन्ट्रक्सनको रोकी राखेको डोजर आगजनीबाट जलेर नष्ट भएको छ ।
आगजनी गरेको भनि जेसिबी चालक भरत बहादुर बमले फोनमार्फत खबर गर्नासाथ इलाका प्रहरी कार्यालय बिपिनगरबाट प्रहरी निरीक्षक मोहन बहादुर साउद नेतृत्वको टोली पठाएको जिल्ला प्रहरी कार्यालय डोटीका सह-प्रबक्ता रबिन्द्र चन्दले हाम्राकुरालाइ जानकारी दिए।
आगलागीबाट जेसीबी पूर्णरुपमा ध्वस्त भएको प्रहरीले जनाएको छ । आगो किन र कसले लगाइदिएको अझसम्म खुल्न नसकेको र घटना अनुसन्धान भइरहेको प्रहरीले जनाएको छ ।
