-
-
-
-
काठमाडौं । हाल सप्तरीमा भारी वर्षा भएको छ । जल तथा मौसम विज्ञान विभाग मौसम पूर्वानुमान महाशाखाले सोमबार बिहानैदेखि सप्तरीको बर्मजिया र आसपास भारी वर्षा मापन भएको जनाएको छ ।
महाशाखाले त्यहाँ विपद् आउन सक्ने भएकाले सावधानी अपनाउन पनि आग्रह गरेको छ । बिहानै सूचना जारी गर्दै महाशाखाले ‘हाल सप्तरीको बर्मजिया र आसपास पछिल्लो ३ घण्टामा भारी वर्षामापन भएको छ । माउली खोला लगायत अन्य साना खोलाहरुमा आकस्मिक बाढी आउन सक्ने । दिउँसोसम्मै सतर्क रहौँ ’ भनेको छ ।
महाशाखाले हाल देशभर सामान्यदेखि पुर्ण बदली रही प्रदेश १, गण्डकी प्रदेश, बागमती प्रदेश र सुदुर पश्चिम प्रदेशका केही स्थानहरुमा हल्कादेखि मध्यम वर्षा भइरहेको समेत जनाएको छ ।
