-
-
-
-
काठमाडौं । नेकपा एमालेका नेता घनश्याम भुषालले संसद जोगिएको र अब पार्टी जोगाउनु पर्ने बताएका छन् । आइतबार राति ट्वीटरमा ट्वीट गर्दै भुषालले संसद जोगिइसकेकाले अब पार्टी जोगाउनु पर्ने बताएका हुन् ।
प्रधानमन्त्री शेरबहादुर देउवालाई विश्वासको मत नदिएका नेता भुषालले ‘यथास्थितिमा कोही पनि सुरक्षित छैनौ’ं भन्दै परिवर्तनका लागि आग्रहसमेत गरेका छन् ।
देउवालाई २२ जना एमालेका सांसदले मत दिँदा भुषालले भने दिएनन् । देउवाले १६५ मत पाउँदा विपक्षमा ८३ मत परेको छ । एक जना तटस्थ बसे ।
एमाले अध्यक्ष केपी शर्मा ओली र एमाले वरिष्ठ नेता माधवकुमार नेपालतर्फ संकेत गर्दै उनले लेखेका छन्, ‘यथास्थितिमा कोही पनि सुरक्षित छैनौं । हामी उठ्छौं, धुलो टक्टक्याउँछौं र अगाडि बढ्छौं ।’
यस्तो लेखेका छन् नेता भुषालले, ‘संसद जोगाउनु पर्थ्यो, जोगिएको छ । अब पार्टी जोगाउनु पर्नेछ, जोगाइने छ । हामी ठूलो दुर्घटनामा परेका छौं । यथास्थितिमा कोहि पनि सुरक्षित छैनौं । हामी उठ्छौं, धुलो टक्टक्याउॅछौं र अगाडि बढ्छौं ।’
