काठमाडौं । डा. हेमन्त खतिवडाको आध्यात्मिक गीतको पुस्तक प्रकाशित भएको छ । २०५३ सालमा नातिकाजीको स्वर र संगीतमा ‘मनमा काँडा बिझेपछि’ बोलको गीत रेकर्ड गराएर सांगीतिक छेत्रमा उदाएका खतिवडाको आध्यात्मिक गीतको पुस्तक प्रकाशित भएको हो ।
यो पुस्तकमा गणेश, राम, शिव, दुर्गा, हनुमान, सरस्वती, विष्णु, कृष्ण, लक्ष्मीको भजन अनि बाँकी भजन अनि बाँकी भजन जीवन मृत्युको विषयमा लेखिएको छ । यसमा कृतिमा १०६ वटा भजनहरु रहेका छन् । ११५ पृष्ठमा किताब तयार भएको छ ।
पचास वटा भजनहरु आशा भोषले, साधना सरगम, कैलाश खेर, पंडित जसराज, कुमार सानुलगायत गायक गायिकाहरुले गाएका छन् । क्लासिकल, सेमिक्लासिकलमा कतिपय भजन गाइएका छन् । भजनको प्रचलित परम्परा भन्दा फरक किसिमले लेखिएका छन् ।
निराशावादी नभइकन अधिकांश भजनहरु आशा र उत्साह जगाउने किसिमका छन् । मृत्युलाई पनि उत्सवको रुपमा चित्रण गरेर पनि भजनहरु लेखिएका छन् । जीवन जस्तै मृत्यु पनि उत्सव हुनुपर्छ भन्ने खालका भजनहरु पनि छन् ।
आध्यात्मको गहिराइमा डुबेर लेखिएका भजनहरु छन् । यसमा मानिसहरुलाई उत्प्रेरणा र प्रेरित गर्ने खालका जीवन दर्शनका विषयहरु पनि समेटिएका छन् । गीतकार स्वयं प्रकाशक रहेको भजन संग्रह को मूल्य रु २०० रहेको छ ।
आकर्षक छपाइ र राम्रो कागजमा सजिएको भजन संग्रह, गीतकार खतिवडाको पहिलो भजन संग्रह हो ।
