पाकिस्तानमा हिन्दु मन्दिर तोडफोडको विषयमा सनातन धर्म महासङ्घ नेपालको गम्भीर आपत्ति
हाम्रा कुरा
प्रकाशित २०७८ साउन ३० शनिबार
2.2k
Shares
काठमाडौं। सनातन धर्म महासङ्घ नेपालले पाकिस्तानमा हिन्दु मन्दिर तोडफोड गरेको घटनाको विरोध गर्दै यस विषयमा गम्भीर ध्यानाकर्षण भएको जनाउँदै निष्पक्ष छानबिनका लागि माग गरेको छ ।
महासङ्घका प्रवक्ता राजन अधिकारीले शुक्रवार एक विज्ञप्ति जारी गर्दै पाकिस्तानमा रहेका अल्पसङ्ख्यक हिन्दु समुदायको अधिकार रक्षाका लागि समेत आग्रह गरेको छ ।
केही दिनअघि पाकिस्तानको रहिम यार खान जिल्लाको भोंग शहरमा रहेको गणेश मन्दिर तोडफोड भएको थियो ।
एक नौं वर्षीय हिन्दु बालकले मुस्लीम सेमीनारमा पिशाब गरेको आरोपको बदलामा उक्त हिन्दु मन्दिर तोडफोड भएको विभिन्न सञ्चारमाध्यममा जनाइएको छ ।
यसै घटनाप्रति निष्पक्ष छानबिनको माग गर्दै सनातन धर्म महासङ्घ नेपालले अल्पसङ्ख्यक समुदायको अधिकारको सम्मान गर्न आग्रह गरेको हो । यस्तै महासङ्घले यस्ता घटनालाई गम्भीरतापूर्वक लिन संयुक्त राष्ट्रसंघको मानवअधिकार आयोगलाई समेत आग्रह गरेको छ ।
