सत्ता गठबन्धन बैठक बस्दै : मन्त्रीपरिषद् विस्तारबारे छलफल हुने
हाम्रा कुरा
प्रकाशित २०७८ असोज ६ बुधबार
570
Shares
काठमाडौं। मन्त्रीपरिषद् विस्तारका विषयमा छलफल गर्न सत्तारुढ गठबन्धन आबद्ध पाँच दलको बैठक बस्दै छ ।प्रधानमन्त्री निकट स्रोतका अनुसार मन्त्रीपरिषद् विस्तारका विषयमा छलफल गर्न अहिले साँझ ६ बजे गठबन्धन आबद्ध दलहरूको बैठक बस्ने भएको हो ।
मन्त्रीहरूको नाममा सहमति खोज्न अहिले माओवादी केन्द्रको समेत बैठक जारी छ । यस्तै काँग्रेस पदाधिकारी बैठकसमेत संसदीय दलको कार्यालय सिंहदरबारमा जारी छ ।
यसै गरी नेकपा एकीकृत समाजवादीले समेत आफ्नो दल भित्र मन्त्रीपरिषद्लाई पूर्णता दिने बारेमा अहिले छलफल गरिरहेको छ ।
प्रधानमन्त्री शेरबहादुर देउवाले आज मात्रै डा. नारायण खड्कालाई परराष्ट्रमन्त्री बनाएका थिए । त्यसअघि हिजो नै काङ्ग्रेसबाट परराष्ट्रमन्त्री बनाउने गठबन्धन आबद्ध दलहरूबिच सहमति भएको थियो ।
