फ्रान्स नेसन्स लिगको फाइनलमा, बेल्जियममाथि सनसनीपूर्ण जित
हाम्रा कुरा
प्रकाशित २०७८ असोज २२ शुक्रबार
437
Shares
काठमाडौं । फ्रान्स युएफा नेसन्स लिग फुटबलको फाइनलमा प्रवेश गरेको छ । बिहीबार राति भएको सेमिफाइनलमा बेल्जियलाई पराजित गर्दै फ्रान्स फाइनलमा पुगेको हो ।
२–० ले पछि परेको फ्रान्सले ६२ औं मिनेटदेखि गोल फर्काउन थालेको थियो । करिम बेन्जेमाले केलियन एमबाप्पेको पासमा गोल गर्दै २–१ को स्थितिमा ल्याए ।
६९ औं मिनेटमा एमबाप्पेले पेनाल्टीमार्फत गोल गर्दै २–२ गोलको बराबरीमा ल्याए ।
८७ औं मिनेटमा बेल्जियममा रोमेलु लुकाकुको गोल भने भीएआरले अवरोध गरेको थियो । उक्त गोल अफसाइड भएको थियो ।
इन्जुरी समयमा थियो हर्नान्डेजले गोल गर्दै फ्रान्सलाई ३–२ ले जिताए ।
यसअघि ३७ औं मिनेटमा केभिन डी ब्रुनेको पासमा यान्निक कारास्को र ४० औं मिनेटमा ब्रुनेकै पासमा रोमेलु लुकाकुले गोल गर्दै बेल्जियलाई फाइनल नजिक पुर्याएका थिए ।
अब उपाधिका लागि फ्रान्सले आइतबार स्पेनसँग खेल्नेछ । स्पेनले इटालीलाई हराएर फाइनलमा स्थान बनाएको हो ।
