-
-
-
-
झापा । झापाको बिर्तामोडमा आइतबार राति धारिलो हतियार प्रयोग गरी एक मासु व्यवसायीको हत्या भएको छ । बिर्तामोड ५ स्थित महानन्द चोकमा मासु पसल संचालन गर्दै आएका अर्जुनधारा ६ कप्तानबारी घर भएका अन्दाजी ५० वर्षीय इन्द्रक़ुमार मगरको धारिलो हतियार प्रहार गरी हत्या भएको प्रहरीले जनाएको छ ।
पसलमै बसेको बेला राति करिब ८ बजे उनको हत्या भएको स्थानीयले बताएका छन् । पसलभित्र हत्या गरिएको अवस्थामा भेटिएका मगरको घाँटी र पाखुरामा गहिरो चोट लागेको र उनको घटनास्थलमै मृत्यु भएको प्रहरीले जनाएको छ ।
हाल प्रहरीले घटनास्थललाई नियन्त्रणमा लिएर आवश्यक अनुसन्धान शुरू गरेको ईलाका प्रहरी कार्यालय बिर्तामोडले जनाएको छ ।
