- सुन चाँदी दर
- विनिमय दर
- नेपाली पात्रो
- राशिफल
काठमाडौं । महाधिवेशनको तयारीमा रहेको राष्ट्रिय प्रजातन्त्र पार्टी (राप्रपा)ले ६५ जिल्लामा पार्टीको अधिवेशन सम्पन्न गरेको छ । राप्रपाका नेता मोहन श्रेष्ठका अनुसार कात्तिक २३ गतेभित्र जिल्ला अधिवेशन सक्नुपर्ने भएकाले धमाधम जिल्ला अधिवेशन भएको हो ।
आगामी मंसिर ११ देखि १३ गतेसम्म काठमाडौँमा हुन लागेको पार्टीले केन्द्रीय महाधिवेशनका लागि कार्तिक २३ भित्र जिल्ला अधिवेशन सक्नुपर्ने केन्द्रीय निर्वाचन समितिलाई बाध्यता रहेकाले अधिवेशन धमाधम भइरहेको उनले जानकारी दिए ।
पार्टीले पहिलो पटक सक्रिय सदस्यबाट प्रतिनिधि छनोट गर्ने व्यवस्था गरेको छ । यसअघि क्षेत्रीय तथा स्थानीय समितिबाट प्रतिनिधि छनोट गर्ने व्यवस्था थियो । प्रदेश र क्षेत्रीय समितिका अध्यक्ष, महानगर, उपमहानगर, नगर र गाउँपालिकाका अध्यक्ष पदेन सदस्यका रूपमा महाधिवेशन प्रतिनिधि हुन पाउने व्यवस्था छ ।
सोही अनुरुप अधिवेशनहरु भइरहेका हुन् । तेह्रथुम, संखुवासभा, पर्सा, स्याङ्जा, महोत्तरी र गोरखामा प्रतिनिधि छनोट र अधिवेशनमा विवाद भएपनि निर्वाचन समितिले समाधानको तयारी गरेको छ ।