-
-
-
-
काठमाडौं । इटालियन सुपर कप फुटबलको उपाधि इन्टर मिलानले जितेको छ । बुधबार राति भएको फाइनलमा युभेन्ट्सलाई अतिरिक्त समयमा २–१ ले हराउँदै इन्टरले बाजी मारेको हो ।
खेलमा अग्रता लिएर पनि युभेन्ट्स पराजित भयो । २५ औं मिनेटमा वेस्टन म्याकेनीले गोल गर्दै युभेन्ट्सलाई अग्रता दिलाएका थिए । त्यसको १० मिनेटमै लाउटरो मार्टिनेजले पेनाल्टीमा गोल गर्दै इन्टरलाई १–१ गोलको बराबरीमा ल्याए ।
त्यसपछि खेलको अतिरिक्त समयको पनि अन्तिम इन्जुरी समयमा एलेक्सिस सान्चेजले गोल गर्दै इन्टरलाई जिताए । यससँगै इन्टरले छैटौं पटक सुपर कपको उपाधि जितेको हो।
