खेलाडीमा कोरोना शंकापछि खेल स्थगित

हाम्रा कुरा

प्रकाशित २०७८ माघ १ शनिबार

काठमाडौं । खेलाडीमा कोरोना भाइरसको शंका भएपछि नेपाल पुलिस क्लब र प्रदेश–१ बीचको खेल स्थगित भएको छ । प्रधानमन्त्री (पीएम) कप राष्ट्रिय क्रिकेट प्रतियोगितामा टियु क्रिकेट मैदानमा आज दुबै टिम बीच खेल तय भएको थियो ।

तर, प्रदेश–१ का खेलाडीमा कोरोनाको शंका गरिएपछि खेल होल्डमा राखिएको नेपाल क्रिकेट संघ (क्यान) ले बताएको छ । आजको दोस्रो खेल भने निर्धारित समयमै हुनेछ ।

एक खेल अगावै सेमिफाइनलमा स्थान बनाएको पुलिसले पहिलो खेलमा सुदूरपश्चिमलाई २ रनले पराजित गरेको थियो । दोस्रो खेलमा आर्मीलाई ४ विकेटले हराएको पुलिसले तेस्रो खेलमा कर्णाली प्रदेशविरुद्ध ८९ रनको सहज जित निकालेको थियो ।