इजिप्ट र सेनेगल सेमिफाइनलमा, यस्तो बन्यो फाइनल पुग्ने समीकरण
हाम्रा कुरा
प्रकाशित २०७८ माघ १७ सोमबार
518
Shares
काठमाडौं । इजिप्ट र सेनेगल अफ्रिका कप अफ नेसन्स फुटबल प्रतियोगिताको सेमिफाइनलमा प्रवेश गरेका छन् । आइतबार राति भएको क्वाटरफाइनलमा मोरक्कोलाई हराउँदै इजिप्ट र इक्वेटोरियल गिनीलाई हराउँदै सेनेगल सेमिफाइनलमा पुगेको हो ।
योसँगै फाइनल पुग्नका लागि सेमिफाइनल समीकरण पनि पूरा भएको छ । सेमिफाइनलमा इजिप्टले आयोजक क्यामरुनसँग र सेनेगलले बुर्किना फासोसँग खेल्नेछ । क्वार्टरफाइनलमा क्यामरुनले गाम्बियालाई २–० ले तथा बुर्किना फासोले ट्युनिसियालाई १–० ले हराएको थियो ।
इजिप्ट र मोरक्कोबीचको खेल
इजिप्टले मोरक्कोलाई अतिरिक्त समयमा २–१ ले हरायो । खेलमा अग्रता भने मोरक्कोले लियो ।
रोमान्चक बनेको खेलको छैटौं मिनेटमा सोफियन बाउफलले पेनाल्टीमा गोल गर्दै मोरक्कोलाई अग्रता दिलाए ।
५३ औं मिनेटमा कप्तान मोहम्मद सलाहले गोल गर्दै इजिप्टलाई १–१ गोलको बराबरीमा ल्याए ।
निर्धारित ९० मिनेटको खेलमा १–१ गोलको बराबरी भएपछि खेल अतिरिक्त समयमा धकेलियो ।
अतिरिक्त समयको सयौं मिनेटमा महमुद अहमेद इब्राहिम हसनले गोल गर्दै इजिप्टलाई २–१ ले जिताए ।
सेनेगल र इक्वेटोरियल गिनीबीचको खेल
सेनेगलले ३–१ को सहज जित निकाल्यो । २८ औं मिनेटमा फामराले गोल गर्दै सेनेगललाई शुरुआती अग्रता दिलाए ।
५७ औं मिनेटमा जानिक बुयलाले गोल गर्दै गिनीलाई १–१ गोलको बराबरीमा ल्याए ।
६८ औं मिनेटमा चिखोउ कौयाटेले गोल गर्दै सेनेगललाई २–१ को अग्रता दिलाए ।
७९ औं मिस्माइला सारले गोल गर्दै सेनेगललाई ३–१ ले जिताए ।
सेमिफाइनल खेल
पहिलो सेमिफाइनल खेल २ फेब्रुअरी राति १२ः४५ बजे बुर्किना फासो र सेनेगलबीच हुनेछ ।
दोस्रो सेमिफाइनल खेल ३ फेब्रुअरी राति १२ः४५ बजे क्यामरुन र इजिप्ट खेल्नेछन् ।
तेस्रो स्थानका लागि ६ फेब्रुअरीको राति २१ः४५ बजे र फाइनल राति १२ः४५ बजे हुनेछ ।
