-
-
-
-
काठमाडौं । सेनेगल अफ्रिका कप अफ नेसन्स फुटबल प्रतियोगिताको फाइनलमा प्रवेश गरेको छ । बुधबार राति भएको पहिलो सेमिफाइनल खेलमा बुर्किना फासोलाई ३–१ ले हराउँदै सेनेगल उपाधि नजिक पुगेको हो ।
सेनेगललाई जिताउन सादियो माने, अब्डोउ डियालो र इद्रिसा गुएले एक एक गोल गरे । बुर्किनाका ब्लाटी टोरेले सान्त्वना गोल गरे । अन्तिम २० मिनेटमा चारै गोल भएको थियो ।
सेनेगल तेस्रो पटक फाइनलमा पुगेको हो । अब सेनेगलले उपाधिका लागि क्यामरुन र इजिप्टबीचको विजेतासँग खेल्नेछ ।
दोस्रो सेमिफाइनल खेल बिहीबार राति १२ः४५ बजे शुरु हुनेछ ।
