-
-
-
-
काठमाडौं । गोलकिपर गाबास्की नायक बन्दा आयोजक क्यामरुनलाई पराजित गर्दै इजिप्ट अफ्रिका कप अफ नेसन्स फुटबल प्रतियोगिताको फाइनलमा प्रवेश गरेको छ । बिहीबार राति भएको खेलमा ३३ वर्षिय गोलकिपर गाबास्कीले दुई पेनाल्टी बचाउँदै फाइनलमा इजिप्टको भेट सेनेगलसँग पक्का गराएका हुन् ।
निर्धारित समय र अतिरिक्त समयमा कुनै गोल नभएपछि खेलको छिनोफानो पेनाल्टी सुटआउटमा भएको थियो, जहाँ गोलकिपर गाबास्कीले आयोजक क्यामरुनको दुई पेनाल्टी बचाएका थिए ।
अब उपाधिका लागि सेनेगल र इजिप्ट आइतबार भिड्ने छन् । गएराति भएको खेलमा बुर्किना फासोलाई ३(१ अन्तरले पराजित गर्दै सेनेगल फाइनल पुगेको हो ।
इङ्गलिश क्लब लिभरपुलका दुई स्ट्राइकर सादियो माने र मोहम्मद सलाहको भिडन्तको रुपमासमेत फाइनललाई हेरिने छ । मानेले सेनेगललाई फाइनलमा पुर्याएका हुन् ।
