-
-
-
-
रौतहट । रौतहटमा एक युवतीको शव गहुँ बारीमा फेला परेको छ । जिल्लाको ईशनाथ नगरपालिका वडा नं. ४ मठियास्थित गहुँ खेतमा ईशनाथ नपा वडा नं. ९ लौतना टोल बस्ने कलाम मियाँ मंसुरीकी छोरी १९ वर्षकी चाँदनी खातुनको शव फेला परेको जिल्ला प्रहरी कार्यालय रौतहटले जनाएको छ ।
हत्या गरेर गहुँ बारीमा फालिएको हुन सक्ने भन्दै घटनास्थल, लाश जाँच मुचुल्कासमेत गरी परीक्षणको लागि गौर अस्पताल पठाएर अन्य अनुसन्धान कार्य भइरहेको जिल्ला प्रहरी कार्यालय रौतहटका प्रमुख प्रहरी उपरीक्षक विनोद घिमिरेले जानकारी दिए ।
