-
-
-
-
काठमाडौं । एएफसी एसिया कप छनोट फुटबल अन्तर्गत तेस्रो चरणको खेल तालिका सार्वजनिक भएको छ । एसियाली फुटबल महासंघ (एएफसी) ले बिहीबार सार्वजनिक गरेको ड्र अनुसार नेपाल समूह ‘ए’ मा परेको छ ।
नेपालको समूहमा बलिया प्रतिद्धन्द्धीहरु कुवेत, इन्डोनेसिया र जोर्डन रहेका छन् । नेपालको समूहका छनोट खेलहरु कुवेतमा आयोजना हुनेछन् ।
सहभागी २४ टोलीलाई ६ समूहमा विभाजन गरी छनोट खेलाउन लागिएको हो । छनोट खेलहरु आगामी जुन ८ देखि १४ सम्म हुनेछन् ।
हरेक समूहका शीर्ष टोली र ५ समूहको उत्कृष्ट दोस्रो टोली चीनमा अर्को वर्ष आयोजना हुने एसिया कपमा छनोट हुने छन् ।
