हेटौंडामा बन्दकर्ताद्वारा गाडीमा आगजनी

रविन्द्र गौतम,

प्रकाशित २०७८ फागुन १६ सोमबार

हेटौंडा । एमसीसीको विरोधमा रहेका विप्लव नेतृत्वको नेकपासहितका ६ दलको बन्दको प्रभाव हेटौंडामा सामान्य परेको छ ।

यातायातका साधनहरू केही चलेका छन् भने बजारका पसलहरू फाट्टफुट्ट खुलेका छन् । लामो दुरीको यातायातका साधन भने प्रभावित भएका छन् । शैक्षिक संस्था ठप्प छन् । पठनपाठन प्रभावित भएको छ । बन्दकर्ताहरु सडकमा उत्रिएका छन् ।

बन्दकर्ताहरुले रिद्धि सिद्धि सिमेन्टको बल्कर गाडीमा आगजनी गरेका छन् । हेटौंडा-१५ को रातोमाटेको शिवम् सिमेन्ट उद्योग जाने रोडबाट रिद्धि सिद्धि सिमेन्ट उद्योग जाने सडकमा प्रदेश ३-०३-००१ ख ०१७५ नम्बरको बल्कर गाडीमा आगजनी भएको हो ।