-
-
-
-
दार्चुला । दार्चुलामा अवैध लागूऔषधसहित वडासदस्यलाई प्रहरीले पक्राउ गरेको छ ।
व्यास गाउँपालिका वडा नम्बर ५ का वडासदस्य मोहन विष्टलाई महाकाली नगरपालिका-४स्थित तितरसैनको आफ्नै किराना पसलबाट शुक्रवार बिहान करिब ५ सय ग्राम चरेशसहित पक्राउ गरिएको हो ।
पसलमा छापा हान्दा विष्टलाई पक्राउ गरिएको जिल्ला प्रहरी कार्यालय दार्चुलाले जनाएको छ । पसलबाट ५ डिब्बामा राखिएका स-साना पुडिया बरामद गरिएको छ ।
डिब्बासहित बरामद गरिएको चरेशको परिमाण १ किलो २ सय ५० ग्राम रहेको छ ।
