-
-
-
-
पोखरा । खेलकुद पत्रकार मञ्च गण्डकीको अध्यक्षमा दीनानाथ बराल विजयी भएका छन् । प्रतिस्पर्धी रञ्जन अधिकारीलाई ९ मत अन्तरले पराजित गर्दै बराल अध्यक्षमा विजयी भएका हुन् ।
अध्यक्षका लागि भएको निर्वाचनमा कुल ४९ मत खसेकोमा विजयी बरालले २९ मत प्राप्त गर्दा पराजित अधिकारीले २० मत प्राप्त गरे ।
अध्यक्षबाहेक अन्य पदहरुमा भने सर्वसम्मत नेतृत्व चयन भएको छ । मञ्चको उपाध्यक्षमा सुरज श्रेष्ठ, महासचिवमा राजाराम पौडेल, सचिवमा शशीकुमार पौडेल र कोषाध्यक्षमा कविता घर्ती मगर चयन भएका छन् ।
यस्तै, सदस्यहरुमा दीपकराज मुल्मी, नारायण शाही, उमेश पुन, मानबहादुर घर्ती (एमबी आस्था) र राजु गिरी निर्विरोध चयन भएका छन् ।
