-
-
-
-
नेपालगन्ज । स्थानीय तह निर्वाचनकै मुखमा नेपालगन्ज वडा नम्बर १५ का वडा अध्यक्ष वल्लन कवडिया नेपाली कांग्रेसमा प्रवेश गरेका छन् ।
अध्यक्ष कवडिया जनता समाजवादी (जसपा) पार्टीबाट गत स्थानीय तहको निर्वाचनमा वडा नम्बर १५ बाट वडा निर्वाचित भएका थिए । '
घर-घर जाऔँ, कांग्रेस जिताऔँ' अभियान अन्तर्गत आज आयोजित एक कार्यक्रममा अध्यक्ष कवडियासहित डेढ सय बढी कांग्रेसमा प्रवेश गरेका हुन् ।
पार्टी प्रवेश कार्यक्रममा कांग्रेस बाँकेका जिल्ला उपसभापति गोपाल प्रसाद अधिकारी, जिल्ला सचिव सुधान्सु कोइराला, क्षेत्र नम्बर २ का क्षेत्रीय सभापति रमेशकुमार गुप्ता, प्रदेश सभा २ ख का सभापति जितेन्द्र हमाल, नगर सभापति प्रशान्त विष्ट, कांग्रेस नेता वीरेन्द्र शाह लगायतको उपस्थित थियो ।
