-
-
-
-
पोखरा । राष्ट्रिय प्रजातन्त्र पार्टी (राप्रपा)ले पोखरा महानगरपालिकामा मेयरको उम्मेदवारको टुङ्गो लगाएको छ ।
जसअनुसार पोखराको मेयरको उम्मेदवार शंकर खराल तोकिएका छन् ।
खराल विश्व हिन्दू महासङ्घका उपाध्यक्ष र गण्डकी प्रदेशका अध्यक्ष हुन् । साथै उनी ब्राह्मण समाज नेपालका केन्द्रीय सदस्य, पूजा व्यवसायी समितिका अध्यक्ष पनि हुन् ।
खराल दुई महिनाअघि मात्रै राप्रपामा प्रवेश गरेका थिए । महानगरपालिकाहरूका मेयरहरू सम्बन्धित समितिहरूले लागू गरेको सिफारिसको आधारमा उम्मेदवार बनाउने निर्णय केन्द्रले गरेको हो ।
