जिम्बावेविरुद्धको एक दिवसीयमा नेपालको टी–२० को भन्दा पनि खराब योगफल, एक सय ३६ मै प्याकअप

हाम्रा कुरा

प्रकाशित २०७९ वैशाख २३ शुक्रबार

काठमाडौं । जिम्बावे ’ए’ विरुद्धको पहिलो एक दिवसीय क्रिकेटमा नेपालले निरश व्याटिङ प्रदर्शन गरेको छ । टीयू क्रिकेट मैदानमा पाहुना टोली जिम्बावेले टस जितेर फिल्डिङ रोज्दै नेपाललाई ब्याटिङको निम्ति दिएकामा नेपालले कमजोर ब्याटिङ गर्दै १३६ रनमै अलआउट भएको हो ।

नेपाल ३१.३ ओभरमात्र क्रिजमा टिक्न सकेको थियो । नेपालले टी–२० मा भन्दा पनि अझ कमजोर ब्याटिङ गर्ने क्रममा ८४ रन जोड्दा महत्वपूर्ण ७ विकेट गुमाएको नेपाललाई छैटौं नम्बरमा आएका सोमपाल कार्मी र नवौं नम्बरमा आएका करण केसीले केही राहत दिलाउँदै उद्दार गरेका हुन् ।

सोमपालले ७० बलमा ३० तथा करणले ३६ बलमा २५ रन बनाए । कुशल भुर्तेलले १० बलमा १९, दिपेन्द्र सिंह ऐरीले २० बलमा १८ रन बनाए भने आसिफ शेख ५, आरिफ शेख ५, रोहित पौडेल ३, मोहम्मद अदिल आलम २ तथा शुशन भारी ० मा आउट भए । कप्तान सन्दीप लामिछानेले ४ रन बनाए ।