-
-
-
-
बागमती । मुलुकमै चर्चित सर्लाहीको बागमती स्थित मानव निर्मित तालमा नाबालिग छोरीसहित हाम फालेर एक महिलाले आत्महत्या गरेकी छिन् ।
रौतहटको चन्द्रपुर नगरपालिका-४ निवासी भोला साहकी श्रीमती २६ वर्षीया रेखा साहले आफ्नी छोरी ३ वर्षीया आराध्य सहित बागमती नगरपालिकाद्वारा निर्मित माछा पोखरीमा हाम फालेकी हुन् ।
आइतबार बिहान साँढे ९ बजे हाम फालेकी रेखा तथा उनकी छोरी आराध्याको शव पौने ११ बजे निकालिएको छ । उक्त पोखरीमै मोटरबोट चलाउने चालकहरूको सहयोगमा आमाछोरीको शव निकालिएको प्रहरीले जनाएको छ ।
प्रहरीले पोखरीको डिलबाट मृतक महिलाको मोबाइल सेट र सल समेत फेला पारेको छ । पारिवारिक झैझगडा पश्चात् उनी घरबाट निस्केको भन्ने बुझिएको प्रहरीले जनाएको छ । उक्त तालमा यसअघि पनि एक युवकको डुबेर मृत्यु भएको थियो ।
