-
-
-
-
नेपालगन्ज । बाँकेको राप्तीसोनारी गाउँपालिका कार्यपालिकाको बैठकले विभिन्न सात वटा निर्णय गरेको छ ।
पालिकाका अध्यक्ष तप्त पौडेलको अध्यक्षतामा बसेको बैठकले विभिन्न सात वटा निर्णय गरेको प्रशासकीय प्रमुख सिंहराज डाँगीले जानकारी दिए ।
उनका अनुसार पालिकाले नदीजन्य पदार्थ नियमन तथा व्यवस्थापनका लागि अनुगमन गर्ने भएको छ । प्राविधिक कर्मचारी र सुरक्षा निकायको प्रतिनिधिको रोहवरमा पालिका भरका सबै घाट गद्दी नाप जाँच गरी यकिन गर्ने निर्णय गरेको छ ।
यस्तै क्रसर उद्योगहरूको स्थलगत अनुगमन गर्ने र आवश्यक कागजात माग गर्ने निर्णय पनि बैठकले गरेको छ । बैठकले खैरी खोला, मुगुवा खोला, टिकुलीपुर घाट, सिधनिया घाट, बग्दैलाघाट, लालपुरमा, आलिनगर, खल्लाटपरी घाट, जलालाघाट, नरुवा खोला र झिझरी खोलामा उत्खनन र सङ्कलनको काम निषेध गरिएको छ ।
