काठमाडौं । यूईएफए नेसन्स लिग फुटबल शुरु भएको छ । समूह चरणको पहिलो खेलमा पोल्याण्डले जित निकालेको छ । बुधबार राति भएको खेलमा पोल्याण्डले वेल्सलाई २–१ ले हराएको हो ।
पोल्याण्डले शुरुआती एक गोलको अग्रता उल्टाएर जित निकालेको हो । खेलको ५२ औं मिनेटमा जोनी विलियम्सले गोल गर्दै वेल्सलाई शुरुआती अग्रता दिलाए । ७२ औं मिनेटमा जाकुब कमिन्स्कीले गोल गर्दै पोल्याण्डलाई १–१ गोलको बराबरीमा ल्याए ।
त्यसपछि खेलको ८५ औं मिनेटमा कारोल स्विडेर्स्कीले गोल गर्दै पोल्याण्डलाई २–१ को जित दिलाए । जितसँगै लिग ए समूह ४ को पोल्याण्डले ३ अंक जोडेको छ । वेल्सले भने हारबाट प्रतियोगिताको शुरुआत गरेको छ ।
बुधबार राति लिग सी समूह ४ को खेलमा बुल्गेरिया र नर्थ म्यासेडोनिया तथा जर्जिया र जिब्राल्टार खेल्नेछन् ।
त्यस्तै लिग डी समूह २ को खेलमा इस्टोनिया र सान मारिनो खेल्नेछन् । त्यस्तै लिग सी समूह २ को खेलमा साइप्रस र कोसोभो खेल्नेछन् ।
यी सबै खेलहरु राति ९ः४५ बजे हुनेछन् ।
त्यस्तै राति १२ः३० बजे लिग बी समूह ४ को खेलमा सर्बिया र नर्वे तथा स्लोभेनिया र स्वीडेन खेल्नेछन् ।
लिग बी समूह २ को खेलमा १२ः३० बजे नै इजरेल र आइसल्याण्ड खेल्नेछन् । त्यस्तै लिग १ समूह २ को खेलमा स्पेन र पोर्चुगल तथा चेक गणतन्त्र र स्वीट्जरल्याण्ड भिड्ने छन् ।
