काठमाडौं । यूईएफए नेसन्स लिग फुटबलमा स्पेन र पोर्चुगलले बराबरी खेलेका छन् । बिहीबार राति भएको खेलमा स्पेन र पोर्चुगलले १–१ गोलको बराबरी खेलेका हुन् ।
खेलको २५ औं मिनेटमा अल्भारो मोराटाले गोल गर्दै स्पेनलाई शुरुआती अग्रता दिलाएका थिए । ८२ औं मिनेटमा रिकार्डो होर्टाले गोल गर्दै पोर्चुगललाई १–१ गोलको बराबरीमा ल्याएका थिए ।
यस बराबरीसँगै लिग ए समूह २ को पहिलो खेलमा दाबेदारहरु स्पेन र पोर्चुगलले समान १–१ अंक जोडेका छन् ।
यसै समूहको अर्को खेलमा चेक गणतन्त्रले स्वीट्जरल्याण्डलाई २–१ ले हराएको छ । जितसँग चेक ३ अंकसहित समूहको शीर्ष स्थानमा रहेको छ । पोर्चुगल दोस्रो तथा स्पेन तेस्रो स्थानमा रहेको छ । स्वीट्जरल्याण्ड पुछारमा छ ।
बिहीबार रातिका अन्य खेलमा अन्य समूहबाट इजरेल र आइसल्याण्डले २–२ को बराबरी खेलेका छन् । सर्बिया नर्वेसँग १–० ले पराजित भएको छ ।
स्वीडेनले स्लोभेनियालाई २–० ले हराएको छ । ग्रीसले नर्दन आयरल्याण्डलाई १–० ले हराएको छ ।
