नेयमारको दुई गोलले दक्षिण कोरियामाथि ब्रजिलको फराकिलो जित

हाम्रा कुरा

प्रकाशित २०७९ जेठ २० शुक्रबार

काठमाडौं । मैत्रीपूर्ण अन्तर्राष्ट्रिय फुटबल खेलमा ब्राजिलले एसियाली राष्ट्र दक्षिण कोरियालाई पराजित गरेको छ । कोरियाको घरेलु मैदान सोलको संगम वर्ल्ड स्टेडियममा भएको खेलमा ब्राजिल ५–१ ले हराएको हो ।

ब्रजिललाई जिताउन नेयमारले दुई गोल गरे । उनले दुवै गोल पेनाल्टीमार्फत गरेका थिए । एकतर्फी खेलेको ब्रजिलले सातौं मिनेटमा रिचरलिसनको गोलबाट अग्रता लिको थियो । ३१ औं मिनेटमा ह्वाङ हि चेनले दक्षिण कोरियाका लागि बराबरी गोल गरे ।

नेयमारले ४२ औं मिनेटमा गोल गर्दै २–१ ले अग्रता दिलाए । ५७ औं मिनेटमा नेयमारले दोस्रो गोल गरे । ८० औं मिनेटमा फिलिप कौटिन्होले चौथो गोल गरे । इन्जुरी समयमा जिसस ग्याब्रियलले गोल गरे ।