इङ्गल्याण्डले मुस्किलले जोड्यो एक अंक, जर्मनी अड्कियो, इटालीले जित्यो
हाम्रा कुरा
प्रकाशित २०७९ जेठ २५ बुधबार
685
Shares
काठमाडौं । यूईएफए नेसन्स लिग फुटबलमा इङ्गल्याण्डले मु्स्किलले एक अंक जोडेको छ । इङ्गल्याण्डले जर्मनीसँग बराबरी खेलेको हो । समूह चरण अन्तर्गत मंगलबार रातिको खेलमा इङ्गल्याण्डले १–१ गोलको बराबरी खेलेको हो ।
प्रतिस्पर्धात्मक खेलमा शुरुआती अग्रता भने जर्मनीले बनाएको थियो ।खेलको ५० औं मिनेटमा जोनस होफम्यानले गोल गर्दै जर्मनीलाई अग्रता दिलाएका थिए ।
खेलको ८८ औं मिनेटमा ह्यारी केनले पेनाल्टीमार्फत गोल गर्दै इङ्गल्याण्डलाई १–१ गोलको बराबरीमा ल्याए ।
यस बराबरीसँगै लिग ए समूह ३ को जर्मनीले २ खेलमा २ अंक जोडेको छ ।
जर्मनी समूहको तेस्रो स्थानमा रहेको छ ।
इङ्गल्याण्डको यो पहिलो अंक हो । इङ्गल्याण्डले २ खेलमा १ अंक जोडेर समूहको पुछारमा रहेको छ । यो समूहको शीर्ष स्थानमा इटाली रहेको छ । इटालीले मंगलबार रातिको खेलमा हंगेरीलाई २–१ ले हरायो । इटालीले ४ अंक जोडेको छ । हंगेरी ३ अंकसहित दोस्रो स्थानमा छ ।
