-
-
-
-
काठमाडौं । यूईएफए नेसन्स लिग फुटबलअन्तर्गत लिग ए समूह ४ को खेलमा बेल्जियमले पोल्याण्डलाई ६–१ ले पराजित गरेको छ । बुधबार राति बेल्जियम बर्सिने क्रममा लिन्द्रो ट्रोसार्डले दुई तथा एलेक्स विसल, केभिन डे ब्रुएन, लिन्डर डेनडोनकर र लोइस ओपेन्डाले एक एक गोल गरे ।
यसअघि खेलको २८ औं मिनेटमा रोबर्ट लेवान्डोस्कीले गोल गर्दै पोल्याण्डलाई शुरुवाती अग्रता दिलाएका थिए । तर त्यसपछि भने पोल्याण्ड निरीह बन्यो ।
यस जितसँगै बेल्जियमले २ खेलबाट ३ अंक जोडेर दोस्रो स्थानमा रहेको छ । पराजित पोल्याण्ड २ खेलमा ३ अंक जोडेर तेस्रो स्थानमा छ ।
यो समूहको अर्को खेलमा नेदरल्याण्ड्सले वेल्सलाई २–१ ले हराएको छ ।
त्यस्तै लिग बी समूह १ को खेलमा युक्रेनले आयरल्याण्डलाई १–० ले तथा स्कटल्याण्डले अर्मेनियालाई २–० ले हराएको छ ।
